TA’LIM JARAYONIDA SUN’IY INTELLEKTDAN FOYDALANISHNING PEDAGOGIK-PSIXOLOGIK ASPEKTLARI

Аннотация

Maqolada sun’iy intellekt (SI) texnologiyalarining ta’lim jarayoniga kirib kelishi, uning shakl, mazmun va metodikaga ko‘rsatgan ta’siri tahlil qilinadi. SI vositalari yordamida ta’limni individuallashtirish, real vaqt rejimidagi adaptiv baholash tizimlari va katta hajmdagi o‘quv ma’lumotlarini avtomatik tahlil qilish imkoniyatlari kengaygani ta’kidlanadi. ChatGPT, Khan Academy AI, Quizlet, Teachable Machine kabi tizimlarning o‘quvchilarning bilim darajasi, o‘zlashtirish sur’ati va didaktik ehtiyojlariga mos resurslar yaratishdagi o‘rni yoritiladi. Shu bilan birga, texnologiyalarning o‘qituvchi–o‘quvchi o‘rtasidagi an’anaviy muloqotga, motivatsiyaga va psixologik moslashuv jarayonlariga salbiy ta’sirlari — ijtimoiy izolyatsiya, raqamli charchoq, ruhiy bosim kabi holatlar ham ko’rsatib o’tiladi. SI texnologiyalarini ta’limga joriy etishda texnologik, metodik va psixologik yondashuvlarning uyg‘unligi ta’lim sifatini oshirishning asosiy sharti ekanligi qayd etiladi.