ARAB YOZUVIDAN LOTINGA O‘TISH JARAYONI VA MUAMMOLARI

Аннотация

Ushbu maqolada O‘zbekistonda arab yozuvining tadbiq etilishi va keyinchalik bu yozuvdan lotin yozuviga o‘tish jarayonining tarixiy, siyosiy va madaniy asoslari chuqur tahlil qilingan. Tadqiqotda XX asr boshida yozuv bo‘yicha amalga oshirilgan islohotlar va ularning bosqichlari, jumladan, jadidlar harakatining roli, aholini savodxonlikka chaqirishdagi reformatsiyalar va yangi alifboga o‘tish jarayonida uchragan muammolar-ta’lim tizimidagi qayta shakllanish, o‘quvchilarning, hattoki o‘qituvchilarning yangi yozuvni o‘rganishdagi va o‘rgatishdagi qiyinchiliklari, o‘quv materiallarining yetishmasligi, axborot vositalari tarmog’ini texnik jihatdan qayta moslashtirilishi kabi masalalar batafsil bayon qilingan. Shuningdek, yozuv almashinuvining jamiyat hayotiga ta’siri, yangi avlod va ulardan oldingi avlodlar yozuvi o‘rtasidagi tafovutning madaniy muloqotga ta’siri va yangi alifbo orqali tilni modernizatsiya qilish imkoniyatlari tahlil qilingan, Izlanishda o‘zbek jamiyatidag yozuv doirasida amalga oshirilgan islohotning ahamiyati va uning til rivojiga qo‘shgan hissasi ochib beriladi.