SAMARQAND VILOYATI TURIZM SOHASINING BARQAROR IQTISODIY RIVOJLANISHINING AHOLI FAROVONLIGIGA TA’SIRINI TAHLIL ETISH

Annotasiya

Mazkur ilmiy maqolada Samarqand viloyati turizm sohasining barqaror iqtisodiy rivojlanishi va uning aholi farovonligiga ta’siri har tomonlama tahlil qilinadi. Turizm iqtisodiyotning yetakchi tarmoqlaridan biri sifatida hududiy rivojlanishda muhim o‘rin tutib, mahalliy aholining daromadlari, bandlik darajasi hamda ijtimoiy-iqtisodiy barqarorlikka sezilarli ta’sir ko‘rsatadi. Tadqiqotda turizm infratuzilmasi, xizmatlar sifati, investitsiya jarayonlari va xalqaro hamkorlik omillari o‘rganilib, ularning aholi turmush darajasini yaxshilashdagi o‘rni aniqlangan. Shu bilan birga, Samarqand viloyatida turizmning tarixiy-madaniy merosni asrab-avaylash, kichik biznes va xususiy tadbirkorlikni rivojlantirishdagi iqtisodiy imkoniyatlari tahlil qilingan. Maqolada statistik ma’lumotlar asosida iqtisodiy tahlil usullari qo‘llanilib, turizmning barqaror rivojlanishi bilan aholi farovonligi o‘rtasidagi o‘zaro bog‘liqlik ilmiy asosda yoritilgan. Olingan natijalar hududiy turizm siyosatini takomillashtirish va farovonlikni oshirish bo‘yicha amaliy tavsiyalar ishlab chiqishga xizmat qiladi.