CARBON DOTSLARNING SUVLI MUHITDAGI KOLLOID-KIMYOVIY XUSUSIYATLARI

Аннотация

Ushbu tezisda uglerodli nuqtalarning (Carbon dots, CDs) suvli muhitdagi kolloid-kimyoviy xususiyatlari yoritilgan. Carbon dots suvda dispersiyalanuvchi, o‘lchami odatda nanometr diapazonida bo‘lgan uglerod asosli zarrachalar bo‘lib, ularning xossalari zarracha o‘lchami, sirtidagi funksional guruhlar, pH, ion kuchi va muhit tarkibiga bog‘liq. Ayniqsa –OH, –COOH va C=O kabi sirt funksional guruhlari zarrachalarning gidrofilligi, zaryadi va suvdagi agregatsiya barqarorligiga ta’sir ko‘rsatadi. Tezisda zeta-potensial, elektrostatik itarilish, agregatsiya va sedimentatsiya jarayonlari hamda pH va elektrolitlarning kolloid barqarorlikka ta’siri ko‘rib chiqiladi. Mazkur xususiyatlarni o‘rganish tabiiy ko‘mir asosida olinadigan Carbon dotslarning suvli dispersiyalarini boshqarish va ularning amaliy qo‘llanish imkoniyatlarini aniqlashda muhimdir.